Кыргыз-Кытай чек арасындагы “Торугарт” жана “Эркеч-Там” көзөмөл-өткөрүү бекеттери 14-июнда убактылуу жабылат. Бул тууралуу чек ара кызматынан билдиришти.
Маалыматка ылайык, Кытайдын улуттук майрамынын майрамдалышына байланыштуу Кыргыз-Кытай чек арасындагы “Торугарт” жана “Эркеч-Там” көзөмөл-өткөрүү бекеттери 14-июнь күнү бир суткага убактылуу жабылат.
Эскерте кетсек, “Торугарт” жана “Эркеч-Там” көзөмөл-өткөрүү бекеттери атайын алгоритм менен иштөөдө. Бекет аркылуу Кытайдан Кыргыз өлкөсүнө бир гана товарлар өтүп жатат.