Министрлер кабинетинин төрагасы Улукбек Марипов бүгүн, 11-июнда "Сосновка" транспорттук көзөмөл пунктунун ишин пландан тышкары текшерди. Бул туурасында өкмөттүн маалымат кызматы кабарлайт.
"Маалыматтык тутум көрсөткөндөй, эртең мененки саат 8ден тарта 29 унаа өткөн, бирок 17 унаа гана каттоого алынган. Салмак көлөмдүк көзөмөл тутуму иштебейт. Биз транспорт каражаттарынын кыймылынын ачыктыгын жана толук эсепке алынышын камсыздоо максатында транспорттук көзөмөл пункттарындагы автоматташтырылган маалыматтык тутумдун толук кандуу иш алып баруусуна жетишүүбүз керек", - деди Марипов.