Жантөрө Сатыбалдиев дипломатия кызматкерлерин кесиптик майрамы менен куттуктады

Премьер-министр Жантөрө Сатыбалдиев бүгүн, 24-октябрда дипломатия кызматкерлерин жана ардагерлерин кесиптик майрамы менен куттуктады. Куттуктоонун тексти:

"Өкмөттүн жана жеке өзүмдүн атымдан сиздерди кесиптик майрамыңыздар – Кыргыз Республикасынын дипломатиялык кызматынын кесиптик күнү менен чын жүрөктөн куттуктайм.

Дипломатия кызматкери болуу, ата мекенге талыкпастан жан дили менен кызмат кылуу, мамлекеттин кызыкчылыктарын коргоо, байланыштарды чыңдоо жана өлкөнүн кадыр баркын көтөрүү – бул чоң урмат жана жоопкерчилик.

Дипломатия кызматкерлеринин негиздери жана принциптери көптөгөн муундардан бери жарандардын ата мекенге болгон сүйүүсүн жаратып, мекенчилдик сезимин пайда кылат. Кыргызстандын дипломатия кызматкерлери өлкөбүздү сыймыктануу менен башкаларга тааныштырып, эл аралык аренада анын тышкы саясий кызыкчылыктарын жигердүүлүк менен алга жылдырууда.

Ушул жылы биздин өлкө бир катар олуттуу эл аралык иш-чараларды ийгиликтүү өткөрдү. Дүйнөдө алдыга карай өнүгүп бара жаткан глобалдуу процесстер жана эл аралык маселелердин көп кырдуу мүнөзү, тышкы саясий чакырыктарды жана милдеттерди түзүүдө, аларды чечүү республиканын тышкы саясий ведомствосунан системалуу реформаларга болгон даярдыкты, жаңы шарттарга тез көнүгүп кетүүнү талап кылат.

Дипломатия кызматкерлеринин жогорку кесипкөйлүгү, ишке берилгендиги жана мекенчилдиги тышкы саясий аренада өлкөбүздүн кадыр-баркын чыңдайт жана мындан ары да чыңдоого шарт түзө берет деп ишенем. Сиздерге чың ден соолук, бакубат жашоо-турмуш жана кесиптик иштеринде жаңы бийиктиктерге жетүүнү каалайм".

Автор: Автандил Добулбеков