ЖЫЛНААМА, 17-ИЮНЬ: Кургакчылыкка каршы күрөшүүнүн бүткүл дүйнөлүк күнү

Бүгүн, 17-июнь - Бүткүл дүйнөлүк кургакчылыкка каршы күрөшүү күнү. Бул күндү белгилөө чечими 1995-жылдын январь айында Бириккен улуттар уюмунун Башкы ассамблеясында кабыл алынып, биринчи жолу 1995-жылдын 17-июнь күнү белгиленген. Башкы ассамблея 2010-жылдын январь айынан 2020-жылдын декабрь айына чейинки мезгилди кургакчылыкка каршы жана чөлдөргө арналган 10 жылдык деп жарыялаган. Максаты - кургап бараткан жерлерди коргоо боюнча жүргүзүлгөн иш-аракеттерге көмөктөшүү.

Маалыматтарга караганда, дүйнө жүзүндө кургакчылык жыл сайын 42 миллиард АКШ долларына барабар болгон айыл чарба продукцияларынын жок болушуна алып келет.

Кургакчылык - бул дүйнө жүзү боюнча 900 миллион адамга таасирин тийгизген жана дүйнөдөгү биологиялык ар түрдүүлүккө болгон коркунучтардын үчтөн бир бөлүгүн камтыган глобалдык көрүнүш. Ушуга байланыштуу чөлгө айлануу көйгөйү ар бир адамдын көңүлүн бурууну талап кылат.

17-июнга карата жылнаама.