Асылбек Жээнбеков менен Төрөбай Зулпукаровдун баш коргоо чарасын өзгөртүү боюнча соттук кароо жылдырылды

Бүгүн, 18-июнда Бишкек шаардык соту Асылбек Жээнбеков менен Төрөбай Зулпукаровдун баш коргоо чарасын өзгөртүү боюнча өтүнүчүн карады. Жыйынтыгында соттук процесс 23-июнга жылдырылды. Бул тууралуу аталган соттун басма сөз кызматынан билдиришти.

Маалыматка караганда, Асылбек Жээнбеков сот залына алынып келбегенине байланыштуу соттук отурум жылдырылган.

Эске салсак, мурдагы депутат Асылбек Жээнбеков жана Төрөбай Зулпукаров "Кумтөр" иши боюнча УКМКга сурак берип чыккандан кийин камакка алынышкан.

Автор: Гүлзина Каныбекова