Бишкекте 76 жаштагы аялдын жансыз денеси батирден табылды

Бишкекте көп кабаттуу үйдүн батирлеринин биринде аял кишинин жансыз денеси табылды. Өзгөчө кырдаалдар министрлигинен кабарлашкандай, маркум 76 жашта болгон.

"Куткаруучулар кызматына шаардагы Сыдыков көчөсүндө жайгашкан көп кабаттуу үйдүн батиринин эшиги бекилип калганы маалымдалган. Куткаруучулар балкон аркылуу эшикти ачып кирип, анда 1945-жылы туулган С.В. аттуу аялдын жансыз денеси табылган. Эшикти ачууга 5 куткаруучу тартылып, жансыз денени милиция кызматкерлерине өткөрүп беришти", - дешти мекемеден.

Автор: Бактыгүл Момбекова
Фото: ӨКМнын басма сөз кызматы