Эл артисти Балбай Алагушевдин сөөгү жерге берилди

85 жашында дүйнө салган Кыргыз Эл артисти Балбай Алагушевдин сөөгү жерге берилди. Маркумду акыркы сапарага узатуу зыйнаты бүгүн, 2-июлда болгонун Эмгек сиңирген артист Азамат Болгонбаев билдирди.

"Балбай Алагушевдин сөөгү Ала-Арча көрүстөнүнө жерге берилди. Зыйнатта маданият, маалымат, спорт жана жаштар саясаты министринин орун басары Ильязбек Балташев жана залкар инсандын замандаштары, жердештери эскерүү сөзүн сүйлөдү", - деди ал.

1-июлда Маданият, маалымат, спорт жана жаштар саясаты министрлиги кыргыздын туңгуч музыка таануучусу катуу оорудан улам көз жумганын кабарлаган.

Автор: Бактыгүл Момбекова
Фото: Азамат Болгонбаев