Бишкекте "Спутник V" вакцинасынын 7 миң дозасы бар. Кайсы жактан эмдөө алса болот?

Бишкек шаарында "Спутник V" вакцинасынын 7 миң дозасы бар. Бул тууралуу Республикалык эмдөө борборуна байланышканыбызда белгилүү болду.

Маалыматка ылайык, аталган вакцина менен 18 жаштан өткөн бардык каалоочулар Бишкектеги №1, 2, 3, 5, 6, 7, 8 поликлиникалардан акысыз эмделсе болот.

Буга чейин Кытайдан Кыргыз өлкөсүнө 1 миллион дозадан ашуун вакцина сатып алынганы боюнча жазылган. Бирок кандайдыр бир себептер менен Кыргыз өлкөсүнө жеткирүү кечигүүдө. Кечигип жатышынын себеби боюнча расмий маалымат айтыла элек.

Автор: Айзада Кыдырмышева