"Токио-2020": Бүгүн Владимир Золоев менен Денис Петрашов мелдешке катышат

Тектеш кабарлар: "Токио-2020" Дүйнөлүк жайкы Олимпиада боюнча бардык кабарлар топтому https://www.super.kg/kabar/news/369923/ (163 материал)

Бүгүн, 27-июлда "Токио-2020" жайкы Олимпиада оюндарынын төртүнчү мелдеш күнүндө 22 комплект медаль ойнотулат.

Бүгүнкү мелдеште Кыргыз өлкөсүнүн 2 спортчусу күчүн сынайт. 81 килограммга чейинки салмак ченинде Владимир Золоев алгачкы жүрүшүн 1/16 финалда баштап, анда орусиялык Алан Хубецов менен кез келет. Кыргыз дзюдочусу мелдешке Бишкек убактысы боюнча саат 08:00дө чыгат.

Ушул эле күнү суучул Денис Петрашов 200 метр аралыкка брасс стилинде сууда сүзүү боюнча жарышка түшөт. Кыргыз суучулу мелдешке болжол менен 16:50дө чыгат.

24-июлда Денис Петрашов 100 метр аралыкка брасс стилинде сууда сүзүүдө 49 спортчунун ичинен 27-орунду камсыздаган.