Борбордогу көп кабаттуу үйлөргө 20 лифт орнотулат

"Бишкек шаар лифт" муниципалдык ишканасы борбор калаадагы көп кабаттуу үйлөрдүн лифттерин модернизациялоону баштады. Бул тууралуу шаардык мэриядан билдиришти.

Маалыматка ылайык, азыр ишкананын кызматкерлери 7-кичи райондогу №25, 33, Юг-2 кичи району №10, 4, 9, Үсөнбаев көчөсүндөгү №3, Ибраимов көчөсүндөгү №26, 30 үйлөрдө жаңы лифт жабдууларын орнотуунун үстүндө иштеп жатышат.

Белгилей кетсек, апрель айында лифт жабдууларын жеткирүү боюнча тендер өткөрүлүп, жеңүүчү Беларусь Республикасынан жеткирүүчү “Могилёвлифтмаш” компаниясы болгон. Техника борборго июль айында келген.

Автор: Айзада Кыдырмышева
Фото: Бишкек шаарынын мэриясы