Кыргызстан менен Казакстандын премьер-министрлери өкмөттөр аралык кеңешинин IV жыйынынын протоколуна кол коюшту

Эки мамлекеттин каржы министрлери меморандумга кол коюшууда

Казакстан Республикасы менен Кыргыз Республикасынын каржы министрлери

Кыргыз Республикасынын премьер-министри Жантөрө Сатыбалдиев жана Казакстан Республикасынын премьер-министри Серик Ахметов өкмөттөр аралык Кеңешинин IV жыйынынын протоколуна кол коюшту

Кыргыз Республикасынын Премьер-министри Жантөрө Сатыбалдиев жана Казакстан Республикасынын Премьер-министри Серик Ахметов 1-ноябрда өкмөттөр аралык кеңешинин IV отурумунун жыйынтыгында протоколго кол коюшту. Отурумда “Бүгүнкү сүйлөшүүлөрдүн жүрүшүндө көптөгөн маселелерди чечип алдык, экономиканын ар кыл тармактарында биздин кызматташтыктын мейкиндигин белгиледик”,- деди Жантөрө Сатыбалдиев. Өз кезегинде Серик Ахметов өкмөттөр аралык кеңештин жыйынынын жыйынтыгы эки мамлекеттин соода-экономикалык жактан өнүгүүсүнө импульс берерин белгиледи. “Казакстан - Кыргызстандын экономикасынын ири инвестору. Бизде жетиштүү жакшы потенциал бар. 2012-жылдагы биргелешкен сооданын көлөмү 1 миллиард долларга жетти. Эки өлкөнүн мамлекеттик органдары жана бизнес чөйрөсүнүн аракети менен 2013-жыл дагы жемиштүү болот деп эсептейм”,- деди Казакстандын премьер-министри. Мындан сырткары өкмөттөр аралык кеңештин жыйынынын жыйынтыгы боюнча эки мамлекеттин каржы министрлери меморандумга кол коюшту.

Автор: Айпери Ганыжан кызы