Кыргызстанда коррупция беренеси боюнча 15 жылда укук коргоо органдарына карата 47 кылмыш иши козголгон

Кыргызстанда 1998-жылдан 2013-жылга чейин укук коргоо органдарына карата коррупция беренеси боюнча 47 кылмыш иши козголду. Муну Коргоо кеңешинин 4-ноябрдагы жыйынында башкы прокурор Аида Салянова билдирди. Алардын ичинен прокуратура органы боюнча 41, Ички иштер министрлиги боюнча 4 жана Финансылык полиция мамлекеттик кызматы боюнча 2 иш козголгон.

Айта кетсек, кеңештин жыйынында “КРнын коррупцияга каршы саясатынын мамлекеттик стратегиясын ишке ашыруу жана бийлик органдарында саясий жана системдүү коррупциянын себептерин жоюу боюнча чаралар тууралуу” маселе каралууда.

Автор: Автандил Добулбеков