Жогорку Кеңеште жаңы депутат ант берди

Бүгүн, 8-сентябрда Жогорку Кеңеште жаңы депутат Канатбек Ахмедов ант берди.

"Жогорку Кеңештин депутатынын ыйгарым укуктарын аткарууга киришип жатып Кыргыз Республикасына берилгендигимди билдирип, Конституцияны, мыйзамдарды аткарууга ант беремин", - деди Ахмедов.

Вице-спикер Нурбек Сыдыгалиев аны куттуктап, ийгиликтерди каалады.

Канатбек Ахмедов 2016-жылы Жогорку Кеңештин депутатынын жардамчысы болуп иштеген.

26-августта Урматбек Самаев Токмок шаарынын мэри болуп шайланган. Буга байланыштуу Самаев мандатынан ажыратылган.

Автор: Жылдыз Джускембаева