реклама
super.kg logo

Элчилик: "30-сентябрга чейин Орусиядагы мигранттар жашап жаткандыгын мыйзамдаштырып үлгүрүүсү керек"

 

30-сентябрга чейин Орусиянын аймагында жашап жаткандыгын мыйзамдаштырып үлгүрүүсү кажет. Бул тууралуу Кыргыз өлкөсүнүн Орусиядагы элчилигинен кабарлашты.

Маалыматта айтылгандай, Орусиянын президентинин ушул жылдын 15-июндагы "Орусиянын аймагындагы жаңы коронавирус инфекциясынын таралуу коркунучуна байланыштуу Орусиядагы чет өлкөлүк жарандардын жана жарандыгы жок адамдардын укуктук абалын жөнгө салуу боюнча убактылуу чаралар жөнүндө" жарлыгына ылайык, 2021-жылдын 30-сентябрга чейин чет өлкөлүк жарандарга, анын ичинен Кыргыз өлкөсүнүн жарандарына карата төмөнкү чечимдер кабыл алынбайт.

Орусия Федерациясынан административдик түрдө чыгаруу.

Орусия Федерациясынан депортациялоо.

Орусия Федерациясына кирүгө тыюу салуу.

Орусия Федерациясында убактылуу жүрүүнү кыскартуу.

Ал эми 30-сентябрдан тарта Ички иштер министрлигинин аймактык органдары аталган өлкөдө мыйзамсыз жүргөн жарандардын арыздарын кабыл алууну токтотот. Андыктан жарандар 30-сентябрга чейин Орусиянын аймагында жашап жатканын мыйзамдаштырып жана башка зарыл болгон бардык жол-жоболорду (миграциялык каттоо, эмгек келишимин түзүү, каттоо) аткарууга жетишип калуусу кажет.

Ошондой эле элчилик жарандар миграциялык каттоого кайрылганда жумуш берүүчү тарап менен расмий эмгек келишимин түзүү керектигин белгилейт. Болбосо полиция административдик айып салуу чараларын колдонот.

Мындан тышкары 2020-жылдын 15-мартына чейин Орусиянын аймагынан чыгып кеткен жарандар же Орусияда болбогон жарандар, анын ичинде аталган өлкөдө убактылуу жашап турууга уруксат кагазы бар Кыргыз өлкөсүнүн жарандары 30-сентябрга чейин келип, бул өлкөдө жашоо мөөнөтүн узарта алышат.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг -1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
176313;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: