Каржы министрлиги: Парламенттин 2014-жылдагы бюджети 713 миллион сомду түзөт

2014-жылы аткаминерлердин маянасын көтөрүү үчүн 1,9 миллиард сом талап кылынат. Муну ЖКнын Регламенти жана депутаттык этика боюнча комитетинин 5-ноябрдагы жыйынында каржы министринин орун басары Арзыбек Кожошов айтты. Айтымында, кийинки жылы республикалык бюджеттин кирешеси 17, 924 миллиардга жакын, чыгашасы 110 миллиард сом болмокчу.

Кожошов 2014-жылы парламенттин бюджети 713 миллион сом болушу пландалып жатканын айтты. 2013-жылы 714 миллион сомду түзгөн. Ошондой эле өлкөдөн АКШнын жүк ташуучу транзиттик борборунун чыгарылышына байланыштуу каражат тартыштыгы чыга турганын кошумчалады министрдин орун басары.

Автор: Автандил Добулбеков