Садыр Жапаров Дүйшөмбү шаарына жетти. Аны ким тосуп алды?

Бүгүн, 15-сентябрда өлкө башчы Садыр Жапаров иш сапары менен Тажикстанга барды. Бул тууралуу президенттик администрациядан кабарлашты.

"Президенттин учагы Дүйшөмбү шаарындагы эл аралык аэропортко конуп, аны Тажикстандын премьер-министри Кохир Расулзода тосуп алды", - деп жазылат билдирүүдө.

Аэропорттун флагштокторунда мамлекеттик туулар илинген, килем төшөлүп, ардактуу кароолдун ротасы тизилген.

Эске салсак, иш сапардын алкагында Садыр Жапаров ЖККУнун жамааттык коопсуздук кеңешинин сессиясына жана ШКУга мүчө-мамлекеттердин башчыларынын отурумуна катышат.

Автор: Азат Бейшенбеков