Кыргызстанда күйүүчү майга тартыштык жок

Кыргызстанда учурда күйүүчү майга карата тартыштык жок. Муну бүгүн, 5-ноябрда КРнын “Нефтетрейдерлер” ассоциациясынын басма сөз кызматы билдирди. Маалыматка таянсак, октябрь айынын аягына карата 36,5 миң тонна күйүүчү майдын кору (запасы) калды. Мунун ичинен 25,8 миң тоннасы бензин, 10,7 тоннасы дизель.

Ноябрь айында өлкөгө 42,4 тонна күйүүчү майдын алып келиниши күтүлүүдө, анын 30,9 миң тоннасын бензин, 11,5 миң тоннасын дизель түзмөкчү. “Өлкөнү күйүүчү май менен камсыздоо туруктуу”,- деп билдирет аталган мекеме.

Автор: Автандил Добулбеков