"Бир жыл, 5 ай жыйынга келбегендер бар". Депутаттар бир ай Жогорку Кеңештин жыйынын токтотуп коюуга болбой турганын айтышууда

Жогорку Кеңеш бир ай шайлоочулар менен жолугушуу чечимин кабыл алышты. Анда бир топ депутаттар буга каршы болушту.

Депутат Айбек Осмонов: "Кийинки чакырылыштагы депутаттар келгенге чейин биз иштетишибиз керек. Канчалаган карала турган маселелер турат. Ишти аягына чыгаралы, бул токтомду артка кайтарып алалы", - деди.

Депутат Шайлообек Атазов: "Мен кесиптештеримдин сунушун добушка коюуну суранам. Шайлоого аттанбаган депутаттар бар. Жогорку Кеңеш ар түрдүү маселелерди карап турушу керек. Алдыда кыш келип жатат. Жогорку Кеңеш жыйындарды өткөрүп турушубуз керек. Арабызда 5 ай, бир жыл келбеген депутаттар бар. Аларды Кудайга койдук. Иштейм дегендер келип иштеши керек", - дейт.

Автор: Жылдыз Джускембаева