"Сизди түрмөдөн чыгарыш үчүн мээнет кылган". Сыймык Жапыкеев камактагы Мелис Аспеков боюнча президентке кайрылды

Жоюлуп кеткен Финполдун мурдагы жетекчиси жана жана Октябрь окуясынын активдүү катышуучуларынын бири Сыймык Жапыкеев камакта жаткан активист Мелис Аспековду үй камагына чыгаруу боюнча президент Садыр Жапаровго кайрылды. Кайрылууну Жапыкеев социалдык тармактагы баракчасына жазды.

"Менин Мелис Аспеков менен мамилем деле жок, мен ушул жигит менен сиздин апаңыз каза болгондо Түптөн тажыядан таанышкам. Сиз жөнүндө айтып бүтпөйт эле. Сиздин эң биринчи тарапташыңыз, иниңиз, партиялаш, жакшы санаалаш катары билчүмүн. Мени бир нече жолу "Мекенчил" партиясына чакырган. Андан башка митингдерден эле көрчүмүн. Акча, бийлик тууралуу сүйлөшкөн дагы эмеспиз. Мени сыйлайм деп калчу. Башка ортобузда бир доллар ойногон эмес.

Былтыр революция күнү эң чырылдаган ушул жигит эле. Сизди түрмөдөн чыгарыш үчүн абдан чоң мээнет кылганын билем. Жаныңызда бир айга жакын жүрдү. Анан эле кармалды, 250 миң доллар Дашковдон (ред. "Кыргыз темир жолу" ишканасынын мурдагы башчысы) алды деп камалганын уктум. Чынында кандай болгонун билбейбиз.
Бирок 250 миң доллар алган күнү деле келтирилген чыгым тергөөдө турат да. Бир тагдырдын астында эмне? Ден соолугу өтө начарлап кетти деген маалыматты уктум.

Менин жеке оюм, Урматтуу Садыр Нургожоевич өтүнөт элек, ушул жигитке жаман болду түрмөдө. Түрмөдө жылан жатпасын, Мелис Аспековго ырайым көрсөтүңүз. Камактан чыгарып берсеңиз туура болмок деген ойдобуз. Менимче, Мелис Аспеков жаман жигит эмес. Кандай болгон күндө да сиз үчүн экөөбүз телефондон катуу урушканбыз", - деп жазды Жапыкеев.

Мелис Аспеков 8-январда УКМК тарабынан кармалган. 10-январда Биринчи Май райондук сотунун чечими менен ал жана дагы бир активист Улан Жураев "Кыргыз темир жолу" ишканасынын жетекчилигинин арызынын негизинде камакка алынган. УКМК алар бул ишканадан 250 миң доллар талап кылганын билдирген. Кийин Жураев үй камагына чыгарылган.

Кийин тергөө абагында отурган активист Аспеков Фейсбуктагы баракчасына президент Жапаров талапкер учурунда шайлоо кампаниясына экс-президент Сооронбай Жээнбековдун үй-бүлөсүнөн 10 миллион доллар алганы тууралуу билдирүү жазган.

Ички иштер министрлиги анын бул билдирүүсүнө байланыштуу сотко чейинки териштирүү баштаган.

11-августта Аспеков инфаркт алып, ооруканага жаткырылган.

Автор: Азат Бейшенбеков

11:00 03-11-2021

Жазылуу

РУБРИКАДАГЫ СОҢКУ КАБАРЛАР

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 88 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 117 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 318 0

14:31 2025-06-08 | Түркүн дүйнө

Футбол жылдызы Неймар коронавируска чалдыкты 294 0

14:20 2025-06-08 | Түркүн дүйнө

"Кальмар оюндары" сериалынын режиссёру эки тишинен айрылган 282 0

13:58 2025-06-08 | Түркүн дүйнө

АКШда Лос-Анжелестеги башаламандыктардан улам демонстранттарга беткап кийүүгө тыюу салынат 458 0

Архив

Комментарийлер (6)

almanbetperm

2021-11-03 11:10:31

Жапыккев же Жапыкеев?

-1

Uli6886

2021-11-03 11:13:36

Эми Садырды чыгышына жардамы тийгендир бирок ошол эле учурда аны бетине тутуп оз билгенини кыл дегенди билдирбейт да. Президент элди ойлош керек жанында журуп пара талап кылып баарын чечем, президент мени угат дегендер менен санаалаш болбош кк да. Коррупцияга аралаштыбы жазасын алсын!

+17

bela77

2021-11-03 13:09:27

Жапыкеев сени да камаш керек!Эркиндикте жургонуно суйун кухня генералы!

Dembele84

2021-11-03 14:59:14

Жон эле отура берсе ушул бокмурун

joke81kg

2021-11-03 18:29:10

Садырдын атын сатып жургондорду камайбериш керек

rysik79

2021-11-04 04:02:16

Кухняны да камаш керек

Комментарий калтыруу үчүн өз ысымыңыз менен кириңиз же каттоодон өтүңүз.