Ырчы Минюра Рахимжанова турмуш жолуна аттанды

Ырчы Минюра Рахимжанова 6-ноябрда турмуш жолуна аттанып, ак жоолук салынды. Анын кыз узатуу тою Таластагы тойканалардын биринде өттү.

Минюра Рахимжанованы бийчилердин коштоосунда залга Кыргыз Республикасынын Эмгек сиңирген артисти Алина Жетигенова алып кирди.

Буга чейин ырчынын сүйүктүүсү колун сурап, үй-бүлө куруу сунушун киргизген. Кыз узатуу, үлпөт тою ноябрь айында өтөрү белгилүү болгон. Ырчы жакын курбусуна абысын болорун, күтүп жүргөн адамын тапканын билдирген.

Минюра Рахимжанова "Сен кат жаздың", "Закым", "Менин жаным" жана башка ырлары менен белгилүү. Ырчы чет өлкөлүк сынактарга, фестивалдарга катышып келет.
https://www.super.kg/kabar/news/383643/

Автор: Бактыгүл Момбекова