Садыр Жапаров: "Жерди мыйзамсыз басып алып, азыр мамлекеттен өз маселесин митинг аркылуу чечүүнү талап кылып жаткандар муну менен эч нерсеге жетишпейт"

Жерди мыйзамсыз басып алып, азыр мамлекеттен өз маселесин митинг аркылуу чечүүнү талап кылып жаткандар муну менен эч нерсеге жетишпейт. Мындай пикирин өлкө башчы Садыр Жапаров бүгүн, 18-ноябрда президенттик администрацияга келе жатып, администрациянын имаратынын алдында чогулган Бишкек шаарынын түштүк-батыш көрүстөнүнүн жанындагы “Жер - ынтымак” конушунун тургундары менен жолугушуу учурунда айткан.

"Баарына айтып коёюн, бир кезде жерди мыйзамсыз басып алып, азыр мамлекеттен өз маселесин митинг аркылуу чечүүнү талап кылып жаткандар муну менен эч нерсеге жетишпейт. Митингдер кырдаалды турукташтырууга же жакшыртууга жардам бербейт – муну баары түшүнүшү керек. Мындан ары жерлерди өз билемдик менен басып алган мурдагыдай башаламандык болбойт. Мыйзам бузган адамдарга тиешелүү чаралар көрүлөт. Биз мыйзамдуулук жолу менен баратабыз жана мындан ары мыйзамдуу өлкөдө жашайбыз", - деп белгилеген Садыр Жапаров.

Автор: Азат Бейшенбеков