"Ишеним" партиясынан талапкер Илисбек Абакировдун өмүр баяны

Мен, Абакиров Илисбек Чокоевич 1968-жылдын 5-июнунда касиеттүү Ысык-Көлдүн Тоң районундагы мурдагы Ак-Терек, азыркы Кара-Коо айылында төрөлгөм.

Менин бала чагымдын эң сонун күндөрү ушул айылда өткөн. 1975-жылы мектеп босогосун аттап, 1985-жылы ийгиликтүү аяктагам. Билим алуу үчүн борборго барып, Фрунзе шаарындагы финансы-экономикалык техникумунан окугам. 1986-1988-жылдары Советтик Армиянын катарында болуп, Казакстандын Караганда шаарында жоокердик милдетимди өтөгөм.

Эмгек жолум Балыкчы шаарындагы пассажирдик жүк ташуучу ишканада слесарь-механик болуп иштөө менен башталган. Бул жерде алты ай эмгектенип, андан кийин Фрунзедеги политехникалык институтуна тапшырып, инженер-механик кесибине ээ болгом.

1996-жылдан 1998-жылга чейин Кыргыз улуттук университетинин юридикалык факультетинен сырттан окуп, юриспруденция-юрист кесибине ээ болгом. 1995-жылы Каракол шаарындагы пищекомбинатына жумушка орношуп, ал жерде инженерлик кызматты аркалагам. 1996-жылы Каракол пищекобинатында коммерциялык бөлүмүнүн башчысы, андан соң ГАК “Кыргызалко” ишканасынын Каракол «Кыргызалко» розлив цехинин башчысы болуп иштегем.
2000-жылы Бишкек шаарынын ГАК «Кыргызалко» спирт терминалынын башчылыгына чейин көтөрүлуп, бул жерде бир жыл иштеп, борборубуздагы арак-ликер заводуна адегенде материалдык склад башчысы, андан соң борборубуздагы арак-ликер розливдин башчысы болуп эмгектенгем.
2003-жылы «Казеин этикеткалык» клейин ойлоп таап, интеллектуалдык патенттин ээси болгом.
2005-жылы өкмөттүн алдында түзүлгөн турак жай маселесин өнүктүрүү боюнча комиссиясында беш жыл мүчө болгом.
2010-жылы Бишкек арак-ликер заводуна тышкы башкаруучу болуп дайындалып, андан соң бул ишкананын директорлор кеңешинин төрагалык кызматында иштегем.
2010-жылы «Жаңы муун ынтымагы» коомдук уюмунун Тоң району боюнча координатору жана эки жыл төрагалык милдетин аркалагам.
2012-2014-жылдары Омбудсмендин коомдук кеңешчиси болгом.
Ошондой эле 2013-жылдан 2016-жылга чейин Ысык-Көл обласунун «Өнүктүрүү фондунун» байкоочу кеңешинин мүчөсү болуп, облустагы беш район менен эки шаарга бөлүнгөн каражатты көзөмөлдөп, анын туура пайдаланылышына зор көңүл буруп, ак дилим менен иш алып бардым.
Азыркы учурда ЖЧК «Транс Ойл Сервис» ишканасынын башкы директору болуп эмгектенүүдөмүн. Бүгүнкү кундө тоолуу форель жана топоз, асыл тукум койлорду өстүрүү жана тоо-кен тармагы боюнча жумуш орундарын камсыз кылып келем.

Эки уул, бир кыздын атасымын. Жубайым Токжан, учурда Кыргыз улуттук агрардык университетинде мугалим болуп иштейт. Уулум Бекжан үч кесиптин ээси, мамлекеттик кызматта иштеп жатат. Кызым Радмила, Мамлекеттик салык кызматында эмгектенет. Кичүү уулум Султан Корея өлкөсүндө билим алууда.

Аткарган коомдук иштерим:

-2010-жылы 1916-жылы үркүндөгү каардуу күндөрдү тарыхта калтыруу үчүн Тоң районунун Кара-Коо менен Дөң-Талаа айылдарынын жол боюна эстелик тургузулган.
-2010-жылы “Жаңы муун ынтымагы” коомдук уюмунун төрагасы милдетин аркалап турганда райондук деңгээлде Улуу Ата Мекендик согуштун ардагерлерине майрамдык маанай тартуулашып, баалуу белектерин ыйгардык.
-2010-жылы райондук деңгээлде волейбол боюнча турнир уюштурулуп, Кубокторун тапшырдык.
-2010-жылы Кара-Коо айылынын суу насосторун койдуруп бердим.
-2012-жылы Кара-Коодон Кескен-Белге чейинки асфальт жолун биринчилерден болуп, “Жаңы муун ынтымагы” коомуна төрагалык кылып, 5 райондун координатору менен демилге көтөрүлүп, бүгүнкү күндө бул маселени иш жүзүнө ашырдык.
-2015-жылы Кара-Коо айылындагы Чоң-Арык каналын капиталдык ремонттоо иштери сунушталып, бул көйгөй да ишке ашыргам.
-2015-жылы Тоң районуна Нооруз майрамын чоң масштабда, 11000 адамдардын катышуусунда демөөрчүлүк кылып майрамды уюштуруп бергем.
-2015-жылы Кол-Тор айылынын мектебине республикалык бюджеттен акча каражат бөлүүгө жардам бергем.
-2015-жылы Бөкөнбаев айылынын Бөкөнбаев орто мектебине, оңдоп-түзөө үчүн республикалык бюджеттен акча каражатынын чечкенге жардам бергем.
-2015-жылы Кара-Коо айылына Ысык-Көл Өнүктүрүү фондусунан экскаватор-трактор алууга каражат маселесин чечип бергем.

-2015-жылы Кызыл-Туу жана Шор-Булак айылдарына борбордук көчөлөрүн өздүк каражат менен оңдотуп- түздөтүп бергем.
-2015-жылы Калкакар, Дөң-Талаа, Коңур-Өлөң айылдарына кетчү суу каналын узундугу 200 метр, бийиктиги 8 метр болгон каналын өз каражатым менен жасатып бергем.
-2015-жылы Улахол айыл өкмөтүнө, Кашка-Суу участогуна күпкө салууга каражат бөлүп бергем.
-2017-жылы өткөрүлгөн Алыбек Баатырдын 300 жылдыгында башкы байге коюп, автоунаа белекке берилген.
-2018-жылы Кара-Коо айылына олимпиадалык мат белекке берилген.
-2018-жылы Кара-Талаа айылына мини-футбол аянтчасын салганга Өнүктүрүү фондунан акча каражатын чечип бергем.
-2020-жылы пандемия убагында 1200 үй-бүлөгө азык-түлүк берилген жана саламаттыкты сактоо кызматкерлерин зарыл болгон медициналык каражаттар, коргонуучу кийимдер менен камсыздап, азык-түлүк да таратылып берилген.
-2021-жылы өткөн жылдын Октябрь окуясында жабыркаган “Шумкарлар” коомунун 80 мүчөсүнө акчалай жардамын берилген.

Алган сыйлыктарым:

-2013-жылы Ысык-Көл аймагын өнүктүрүүгө кошкон салымым үчүн “Жаңы муун ынтымагы” коомунун диплому.
- 2016-жылы Тоң районунун "Ардактуу атуулу".
- 2016-жылы Тоң районунун администрациясынын Ардак грамотасы.
- 2018-жылы Улуттук оюндарды өнүктүрүү Дирекциясынын Ардак грамотасы.
- 2018-жылы Ак-Терек айыл өкмөтүнүн Ардак грамотасы.
- 2019-жылы Ысык-Көл облусунун администрациясынын Ардак грамотасы.
- 2019- жылы Ысык-Көл аймагын өнүктүрүүгө кошкон салымы үчүн Кыргыз Республикасынын Жогорку Кеңешинин төрагасынан кол сааты.
- 2015-2016-жылдары Тоң районунун администрациясынын ыраазычылык каты.
- 2015,2017-жылдары Ак-Терек айыл өкмөтүнүн Ыраазычылык каты.
- 2015-жылы “Кыргыз Республикасынын Ата Мекенге кызмат” ордени
- 2017-жылы Көл-Тор айыл өкмөтүнүн ыраазычылык каты.
- 2019-жылы Улахол айыл өкмөтүнүн ыраазычылык каты.
- 2020-жылы Ысык-Көл облусунун администрациясынын ыраазычылык каты
- 2020-жылы Кыргыз Республикасынын өкмөтүнүн Ардак грамотасы.
-2 020-жылы Кыргыз Республикасынын Айыл чарба министрлигинин “Айыл чарбасынын отличниги” төш белгиси.
- 2021-жылы Ысык-Көл областынын “Даанышман” наамы ыйгарылган.

Урматтуу кыргыз элим, биздин шайлоочулар!
“Бетеге кетип бел калат, бектер кетип эл калат” деп кыргыз элинин залкар акындарынын бири Барпы Алыкулов айтып өткөн экен. Ал киши арабызда жок, бирок айткан сөздөрүнүн мааниси эскирбей эле, кайрадан азыркы биз жашап турган күндөрдө өтө актуалдуу. Бектер кетип, келип жатышат, бирок элдин үмүтү өчкөнсүп, сабыры азайгансып “алдыдагы кыргыз элибиздин тагдыры эмне болот” деген ойго түшкөндөй.

Жыл сайын өткөн ар кандай бийликтин тепкичтерине шайлоолор бизнеске айланып, келечекти ойлобой, кадимки эле базардагы соодалашуу жолу менен чечилип калды. Ал эми ошондой жол менен шайланып келген эл өкүлдөрүбүз мамлекеттин келечегине залакасын тийгизген, бир кишинин он чакты добуш берүүчүнүн кнопкасын басып койгон жолдор менен ачык эле, элден коркпой эле кабыл алынып калды. Жоопкерчилик жок!

“Шайлооңор менен ары баргыла” деген кишилер азыр аз эмес, түшүнөбүз, бирок “сабырдын түбү сары алтын” демекчи КАДЫРЛУУ КАЛКЫМ! Ачууга алдырбайлы! Таза шайлоо өтүүгө жана таза депутат шайлап алууга жакшы шарт түзүлүүдө! Кандай кылсаңар да, кимди шайласаңар да, мамлекеттин, келечектин тагдыры сиздердин, элдин колунда! Бийлик элдики деп ушуну айтат, демек, шайлоого барбаган адам бийликти критикалаганга моралдык укугун дагы жоготот. Себеби ал кишиге мамлекеттин келечегин оңдоого добуш берүүгө чакырылган, демек, парзыбызды эл астында аткарышыбыз керек!

Депутат “элдин алаканына нан салып бербейт”, биздин берген гуманитардык жардам менен эл байыбайт, ал убактылуу нерсе! Бирок элди кыйноого алып келбеген мыйзамдарды кабыл алуу - бул депутаттын түздөн-түз иши, милдети!

Мен өзүм” Ишеним” партиясы менен №41 болуп катталып, шайлоого аттандым. Жаштыгым артта калды, өзүм үчүн иштедим, балдарым чоңойду, эми элим, мамлекетим үчүн иштейин деп чечтим. Себеби мыйзам аткарылбаган мамлекеттен күчтүү, билимдүү жарандарыбыз чет жакка кетүүдө, инвесторлор “кол шилтеп” артты карап кетишет. Ошондуктан бийлик силердин колуңарда.

Урматтуу кыргыз элим! Үмүтүңөрдү жакшылыктан үзбөгүлө, алдыга ишенич менен кадам салалы!

Сиздер менен мен Абакиров Илисбек, №9 “Ишеним” партиясынын тизмесинде №41 катарындагы талапкер, Жогорку Кеңештин шайлоосуна келип, добушуңарды берүүгө өтүнөм! Чоң рахмат!

Абакиров Илисбек номер 41

«Ишеним» саясий партиясынын буюртмасы боюнча "Супер.кж" ЖЧКсы тарабынан 2021-жылдын 25-ноябрында чыгарылды. Дареги: Бишкек шаары, Турусбеков көчөсү 109, 4-кабат. Нускасы: 1 даана. "Ишеним" партиясынын шайлоо фондунан каржы маселелери боюнча ыйгарым укуктуу өкүлү Турдакунова Эльвира Алмазбековна тарабынан төлөндү (Күбөлүк №6 01.09.2021-ж).