Шанхай кызматташтык уюмунун байкоочусу: "Парламенттик шайлоо ачык жана таза өттү"

Шанхай кызматташтык уюмунун байкоочусу Ерик Ашимов парламенттик шайлоо таза жана ачык өткөнүн белгиледи. Бул тууралуу ал бүгүн, 29-ноябрда брифингде билдирди.

"Эл аралык байкоочуларды чакыруу шайлоону таза, ачык өткөрүүгө болгон аракет. Бардык партиялар бирдей шартта үгүт иштерин жүргүзүштү. Шайлоо тилкелеринде жабдыктар камсыздалды. Шайлоо алдында иденфикация жүрдү. БШКнын ишмердүүлүгү сайтында чагылдырылып турду. Санитардык эрежелер сакталып жатты. Иштелип чыккан алгоритмде иш алып барылды. Добуш берүү учурунда байкоочуларга даттануу түшкөн жок. Парламенттик шайлоо ачык, таза өттү. Кыргыз өлкөсүнүн элин шайлоонун таза өтүшү менен куттуктайт", - дейт ал.

Автор: Жылдыз Джускембаева