Бишкектин мэри “Жеңиш" сейил багынан 8 гектар жерди саткан эмесмин” дейт

Бишкек шаарынын мэри Иса Өмүркулов КСДП фракциясынын 15-ноябрдагы жыйынында мыйзамсыз жер сатуу боюнча өзүнө айтылып жаткан сындарды четке какты. “Эч кандай жер саткан эмесмин”,- дейт ал. Айта кетсек, мэрди жер сатуу боюнча ЖКнын депутаты Данияр Тербишалиев айыптап келген.

“Мени "Жеңиш" сейил багынан 8 гектар, "Жаштык" сейил багынан 10 гектар жер тилкесин сатып жиберди деп айтууда. Комиссия текшерди. Бул факты тастыкталган жок”,- деди Өмүркулов.

Автор: Автандил Добулбеков