"Бир катар объектилердин ачылыш аземине катышат". Президент жумушчу сапары менен Жалал-Абад облусуна барат

Президент Садыр Жапаров 18-19-декабрда Жалал-Абад облусуна жумушчу сапары менен барат. Бул туурасында президенттин администрациясынан кабарлашат.

Сапардын алкагында мамлекет башчысы бир катар объектилердин ачылыш аземине катышып, өнөр жай ишканаларынын иши жана жол курулушунун жүрүшү менен таанышат.

Ошондой эле президент Садыр Жапаров облустук клиникалык оорукананын мисалында облустагы медицинанын абалы менен таанышары күтүлүүдө.

Автор: Бактыгүл Момбекова