Бишкекте аутизм көйгөйлөрү боюнча эл аралык конференция өтөт

Бишкекте 20-22-ноябрда Кыргызстандагы аутизм көйгөйлөрү боюнча эл аралык конференция өтөт. “Колдогу кол” аутизмден жабыркаган балдардын ата-энелеринин коомдук бирикмеси билдиргендей, Кыргызстандагы жаш балдардын 1 пайызы же 24 миң бала аталган ооруга чалдыккан. Бирок буга чейин бул ооруга олуттуу мамиле жасалган эмес.

Иш-чарада аутизмди дарылоодогу чет өлкөлүк тажрыйбалар көрсөтүлөт. Конференцияга Швейцария, АКШ, Украина, Монголия, Грузия, Албания, Казакстан, жана Тажикстандан ата-энелердин бирикмелери катышат.

200дөн ашуун өкүлдөрдүн катышуусунда өтүүчү конференциянын максаты - тажрыйба алмашуу гана эмес, Кыргызстанда тийиштүү көңүл бурулбай келген социалдык, медициналык көйгөйдү коомчулукка алып чыгуу.

Аутизм – балдардын өсүп келе жаткандагы нерв системинин бузулушу.

Автор: Айпери Ганыжан кызы