Дыйканбай Кенжебаев: “Өлкөдө күздүк эгин себүү иштери 72 пайызга аткарылды”

Бишкекте бүгүн, 19-ноябрда маалымат жыйында айыл чарба жана мелиорация министринин орун басары Дыйканбай Кенжебаев “өлкө боюнча күздүк эгин айдоо иштери 72 пайызга аткарылды” деп билдирди.

Анын айтымында, күздүк эгин айдоо пландалган 237 миң гектар аянттын 171 миң гектарында айдоо иштери жыйынтыкталды. Ал эми 169 миң гектар аянт эгин эгүүгө даярдалып, сугат иштери жүргүзүлдү.

"Минералдык жер семирткичтерге болгон муктаждык 200 миң тоннаны түзгөн. Жер семирткичтер менен камсыздоо иши менен 20 компания алектенип жатат. Учурда 98 миң тонна жер семирткич алынып келинди",- деди ал.

Автор: Айпери Ганыжан кызы