Тазабек Икрамов Бакыт Төрөбаевге: "Беш манжаңызды оозуңузга салып отуруп какап каласыз"

Бүгүн, 12-январда Жогорку Кеңештин жыйыны өтүүдө. Анда Жогорку Кеңештин түзүмү каралып жатат. Депутат Тазабек Икрамов Бакыт Төрөбаевди парламенттин түзүмүн шашылыш түрдө добушка койгону боюнча сындады.

"Бул жерде сиз туура эмес алып барып жатасыз. Сиз эл шайлаган депутаттардын үнүн укпай, добушка коюп салып жатасыз. Мен сизге ачык айтам. Буга чейин дагы көп нерсени өзүңүздөр бекитип алып, депутаттардын үнүн укпай добушка коюп салып жатасыз. Сиз туура эмес жакка барып жатканыңызды көрсөтүп жатасыз. Беш манжаңызды оозуңузга салып отуруп, какап каласыз", - дейт Тазабек Икрамов.

Бакыт Төрөбаев: "Ар бир сынды кабыл алабыз. Какайбызбы же какабайбызбы сиз айта албайсыз", - деди.

Автор: Жылдыз Джускембаева