Талант Мамытов: "Жогорку Кеңеш Баткенде болуп жаткан окуяларга тынчсыздануу менен тыкыр көз салууда"

Жогорку Кеңештин төрагасы Талант Мамытов Кыргыз-Тажик чек арасындагы кырдаал боюнча тынчсыздануусун билдирди. Бул тууралуу Жогорку Кеңештин расмий сайтына жарыяланды.

Төмөндө Талант Мамытовдун билдирүүсү:

"Урматтуу мекендештер!

Кыргыз Республикасынын Жогорку Кеңеши Баткенде болуп жаткан окуяларга тынчсыздануу менен тыкыр көз салууда.

Чек арада түзүлгөн кырдаалга байланыштуу эл өкүлдөрү жергиликтүү тургундардын коопсуздугун, мамлекеттин стабилдүүлүгүн сактоо үчүн бардык аракеттерди көрөт.

Өлкөнүн аймактык бүтүндүгү, мамлекетибиздин туруктуулугу жана тынчтыгы бардыгынан бийик турат.

Бул оор күндөрү кастыкты козуткан чагымчылдыктан абайлайлы.

Жерибизде тынчтык, элибизде ынтымак болсун", - деп жазылат билдирүүдө.

Белгилей кетсек, 27-январда Тажикстандын аскерлери Ош-Исфана жолун тосуп алгандыгы кабарланган. Чек ара кызматынан Төрт-Көчөдө абал чыңалууда экенин билдирип, Тажикстан тарап миномёт жана гранатомётторду колдонуп жатканын билдирди.

28-январга караган түнү саат 00:20га карата эки тараптын аскер кызматкерлеринин ок атышуусу Көчө-Бою жана Дахма жерлигинде болуп жатканы белгилүү болду.

Ок атышуунун кесепетинен 7 Кыргыз жараны жабыркады.

Баткен облусунун Кыргыз-Тажик чек арасына жакын аймактардагы ок атышуу токтоп, бүгүн, 28-январь саат 08:00гө карата абал туруктуу.

Чек арадагы аскерлер күчөтүлгөн тартипте кызмат өтөп жатат.

Автор: Айжанар Рыспек кызы
Фото: Интернеттен алынды

11:42 28-01-2022

Жазылуу

РУБРИКАДАГЫ СОҢКУ КАБАРЛАР

15:56 2025-06-30 | Кылмыштар, кырсыктар

УКМК төрагасынын атын жамынып алдамчылык кылган дагы бир жаран аныкталды 58 0

15:52 2025-06-30 | Коом жана турмуш

Кыргызстандык окуучу эл аралык олимпиадада алтын медаль алды 47 0

15:21 2025-06-30 | Коом жана турмуш

Бишкектин 12-кичи районунда убактылуу суу берилбейт 108 0

15:07 2025-06-30 | Кылмыштар, кырсыктар

УКМК курулуш компаниясын тартып алууну көздөгөн кылмыштуу топтун мүчөлөрүн кармады 450 0

14:50 2025-06-30 | Кылмыштар, кырсыктар

Кадамжайда милиция кызматкерлерине кол салууга шектүү жарандар кармалышты 480 0

14:42 2025-06-30 | Түркүн дүйнө

Пол Уокердин каарманы "Форсаж" тасмасында кайра пайда болот 388 0

Архив

Комментарийлер (3)

Dembele84

2022-01-28 11:45:11

Тыкыр коз салуунун толку жок!

Ela93

2022-01-28 13:29:04

Dembele84,Кок-Таш Эли азыркы бийликти колдойт 70%. Сураныч тоскоол болбойлу бийликке! Мен Кок-Таштан болом. Шартка байланыштуу Баткенде эмесмин! Каттуу айткан болсом кечиресиз!

Azat-123

2022-01-28 13:56:39

Баткен тарап куралдуу күчтөрүбүздүн көзөмөлүндө, жөнөкөй атуулдар көт-пөт дебей жөн отуруп тургула

Комментарий калтыруу үчүн өз ысымыңыз менен кириңиз же каттоодон өтүңүз.