Ош облусунун айыл өкмөт башчыларына бир катар тапшырмалар берилди

29-январь күнү Ош облусунда 2022-жылы аткарылуучу жумуштарды талкуулаган жыйын болуп өттү. Бул тууралуу президенттин Ош облусундагы ыйгарым укуктуу өкүлчүлүгүнөн билдиришти.

Иш-чарага президенттин Ош облусундагы ыйгарым укуктуу өкүлү Зиядин Жамалдинов, район жетекчилери жана айыл өкмөт башчылары катышты. Жыйында облус башчысы сөз сүйлөп, айыл өкмөт башчыларына бир катар тапшырмаларды берди.

Берилген тапшырмалар:

Март айына чейин арык жана каналдарды тазалоо;
Жазгы талаа жумуштарына даярдык көрүү;
Тез арада айыл өкмөт мекемелерин санариптештирүү;
Мал-жандыкты идентификациядан өткөрүү маселеси;
Инвестиция тартуу жана Инвесторлорго шарт түзүү;
Ишкерлерди колдоо жана ишкерлерге шарт түзүү;
Айылдагы көйгөйлөрдү чечүү жана жарандар менен тыгыз иштешүү;
Жумушка жоопкерчиликтүү мамиле кылуу;
Жергиликтүү тургундардын көйгөйлөрүн ыкчам жана жеринде чечүү.

Ошондой эле Ош облусунун башчысы айыл өкмөт башчылары жана айыл өкмөттөгү кызматкерлер жарандар менен иш алып барууну, элдин көйгөйүн жеринде чечүү керектигин айтты.

Автор: Жылдыз Джускембаева