Ноокенде 25 жаштагы Алина Абдумомунова 25 күндөн бери дайынсыз болуп изделүүдө

Ноокен районунун Алма айылынын тургуну Алина Абдумомунова изделүүдө. Бул тууралуу Жалал-Абад облустук ички иштер башкармалыгынын басма сөз кызматынан билдиришти.

Маалыматка ылайык, Ноокен районунун Алма айылынын тургуну, 1996-жылы туулган Абдумомунова Алина Эмилбековна 6-январь күнү саат 08:30 чамасында үйүнөн чыгып кеткен бойдон дайынсыз болууда.

25 күндөн бери жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.

Белгилери: Бою 165-170 сантиметр, ак жумал, кашы, көзү, чачы кара, оронуп алган болушу мүмкүн. Кийген кийимдери: Көк түстөгү баш кийим жана шарф, сары түстөгү күрмө, кара түстөгү шым.

Алина Абдумомунова тууралуу кандайдыр бир маалымат билгендер болсо, төмөнкү телефондорго кабарлап койсо болот:

Тел: 102,

(03734) 5 05 44,

0555 00 31 00,

0771 46 04 61.

Автор: Кенжебай Сатканалиев