ИИМ террористтик жана экстремисттик уюмдардын ишмердигинен коркунучтуу окуялар болуп жатканын белгиледи

Буга чейин экстремисттик ишмердикке каршы аракеттенүү жөнүндө мыйзам долбоору коомдук талкууга коюлган. Бүгүн, 3-февралда Ички иштер министрлиги аталган мыйзам долбоор боюнча тегерек стол өткөрдү.

Министрликтен белгилешкендей, иш-чарага экстремизмге жана мыйзамсыз миграцияга каршы аракеттенүү кызматынын жетекчисинин орун басары Улан Бердибаев, бөлүм башчынын орун басары Самат Осмонов, өкмөттүк эмес уюмдардын өкүлдөрү жана эксперттер катышты.

"Мыйзам 2021-жылдын 5-майынан тартып колдонууга киргизилген. Долбоордун негизги максаттары - адам укуктарын жана эркиндиктерин, конституциялык түзүлүштүн негиздерин, аймактык бүтүндүктү жана улуттук коопсуздукту экстремисттик иш-аракеттерден коргоо экендиги белгиленди. Бүгүнкү күндө дүйнөдө, анын ичинде биздин республикада улуттук коопсуздукту баалоого олуттуу терс таасирин тийгизген эл аралык террористтик жана экстремисттик уюмдардын ишмердигинен келип чыккан жаңы чакырыктар менен коркунучтарга байланыштуу окуялар орун алгандыгы айтылды.

Акыркы жылдары мыйзамдарда олуттуу өзгөрүүлөр болуп, аталган мыйзамдын ченемдерин шайкеш келтирүү зарылдыгын жаратты. Укук коргоо органдарынын практикалык иш тажрыйбасы экстремисттик аракеттерге каршы аракеттенүүнү жүзөгө ашыруучу бардык субъекттерди мыйзамдуу түрдө бекемдөө жана бул чөйрөдөгү алардын негизги компетенцияларын аныктоо зарылдыгын аныктады.

Жолугушуунун жүрүшүндө тараптар ой пикирлери менен алмашып, мыйзам чыгаруу жана практикалык чараларды, ошондой эле мындан аркы биргелешкен аракеттер тууралуу талкуулашты. Иш-чаранын жыйынтыгында эртең, 4-февралда жогоруда аталган мыйзам долбоорун жалпыга маалымдоо каражаттарынын өкүлдөрү менен талкуулоо боюнча ушул сыяктуу тегерек стол өткөрүлөрү белгиленди", - дешет маалымат кызматынан.

Автор: Бактыгүл Момбекова
Фото: ИИМдин маалымат кызматы

19:38 03-02-2022

Жазылуу

РУБРИКАДАГЫ СОҢКУ КАБАРЛАР

20:44 2025-06-29 | Түркүн дүйнө

Белградда миңдеген адам митингге чыгып, мөөнөтүнөн мурда шайлоо өткөрүүнү талап кылышууда (видео) 472 0

18:09 2025-06-29 | Түркүн дүйнө

Тарыхта биринчи жолу. Тesla электромобили фабрикадан кардардын үйүнө өз алдынча жетти (видео) 1096 0

17:36 2025-06-29 | Түркүн дүйнө

Сеулда пенсионер метро вагонун өрттөп, 150дөн ашуун адам жабыркады (видео) 824 0

16:49 2025-06-29 | Коом жана турмуш

Орусияда Кыргызстандын 44 миң жараны «Яндексте» эмгектенет 853 0

16:25 2025-06-29 | Коом жана турмуш

Такыр-Төр көлүнүн кесепеттерин алдын алууга 76 адам тартылды 531 0

15:54 2025-06-29 | Саясат

Кыргызстанга Тажикстандын тышкы иштер министри расмий сапары менен келет 499 0

Архив

Комментарийлер (1)

aslonur

2022-02-03 23:12:33

Кадамжайда участковый 2 кг наркотик сатканын көрүп жана күбөлөр менен тастыктап бердим неге камабайсынар?! Же не ал коркунучтуу торрорлукка кирбейби? Биздин жаш муунга сатып алардын оюн бузуп салсачы

Комментарий калтыруу үчүн өз ысымыңыз менен кириңиз же каттоодон өтүңүз.