Билим берүү министрлиги: "Окуучулардын тамактануусуна кеткен каражатты көбөйтүү пландалууда"

Өлкөдө мектеп окуучуларынын тамактануусуна кеткен каражатты көбөйтүү пландалууда. Бул тууралуу Жогорку Кеңештин социалдык саясат боюнча комитет жыйынында билим берүү жана илим министринин орун басары Надира Жусупбекова билдирди.

"Азыркы учурда азык-түлүктүн баасы кымбаттап кетти.

Райондордо, шаарларда окуучулардын тамактануусуна бир күндө 7 сом, ал эми алыскы аймактарда 10 сом бөлүнөт.

Бул боюнча эки жолу Финансы министрлигине кайрыганбыз. Жок дегенде 7 сомду 14 сом кылып, 10 сомду 20 сом кылып көбөйтүү үчүн. Министрликтен бул маселени комплекстүү (мугалимдердин, техникалык кызматкерлердин айлыгын) кароону сунушташты", - деп билдирди Жусупбекова.

Автор: Айжанар Рыспек кызы