Бейшемби күнү Бишкектин эки конушунда таза суу убактылуу берилбейт

Бишкектин Мурас-Ордо, Калыс-Ордо конуштарында 24-февралда таза суу убактылуу берилбейт. Бул тууралуу шаардык мэриядан кабарлашты.

"Мурас-Ордо конушунда 24-февралда саат 9:00дөн 17:00гө чейин, ал эми Калыс-Ордо конушунда саат 9:00дөн 18:00гө таза суу берүү убактылуу токтотулат.

Мындай ыңгайсыздык аталган эки конуштун суу алгычтарында жана шаардык суу түтүктөрүндө оңдоп-түзөө иштерине байланыштуу болууда.

Бишкек мэриясы келтирилген ыңгайсыздыктар үчүн кечирим сурайт жана жашоочуларды, мекемелерди ичүүчү суу камдап алууну суранат", - деп жазылат мэриянын маалыматында.

Автор: Айжанар Рыспек кызы