Корея Кыргызстандын айыл чарбасын өнүктүрүү үчүн 2 миллион доллар насыя берет

Кыргызстан айыл чарбаны өнүктүрүү үчүн Кореядан 2 миллион доллар насыя алат. Бул тууралуу айыл чарба жана мелиорация министри Чыңгызбек Узакбаев бүгүн, 22-ноябрда “Ар-намыс” фракциясынын жыйынында билдирди.

Анын маалыматында бул каражат жер семирткич чыгаруучу заводду курууга жумшалат. Ошондой эле министр айыл арбаны өнүктүрүүдө Тажикстан мамлекети да жакшы жардам бергенин айтат.

Быйылкы түшүмдү жыюуда Тажикстан тарап Кыргызстанга он комбайнды жардамга жиберген.

Автор: Темирбек Матаев