Жалал-Абаддагы кар көчкүдөн Пикап үлгүсүндөгү унаа табылды

Жалал-Абаддагы кар көчкүдөн Пикап үлгүсүндөгү унаа табылды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, саат 16:30да Пикап унаасы табылды, бирок ичинде адам болгон эмес. “Чайна Роуд” ишканасынын 1 кызматкери дайынсыз болууда.

ӨКМнын Гидрометеорологиялык кызматынын адистеринин маалыматына ылайык, 338-чакырымына болжол 600 миң метр кубду, орточо бийиктиги 10 метрди түзөт.

Эскерте кетсек, Түндүк-Түштүк (Балыкчы-Казарман-Жалал-Абад) альтернативдик унаа жолунунун 332 жана 338-чакырымында кар көчкү түшүп, 4 адамды кар көчкү басып калган.

Автор: Жылдыз Джускембаева