Баткенде турак үйдөн чыккан өрт 2 саатта өчүрүлдү

Баткенде түн ичинде турак үйдөн өрт чыгып, куткаруучулар жалындаган өрттү таңга маал өчүрүштү. Өзгөчө кырдаалдар министрлигинен билдиришкендей, кырсыктын кесепетинен жабыркагандар жана каза болгондор жок.

Маалым болгондой, түнкү саат 03:42де Кара-Бак айылында турак үйдөн өрт чыгып жаткандыгы тууралуу куткаруучуларга билдирүү түшкөн. Бөлмөдөн чыккан өрттү таңкы саат 05:44тө толугу менен өчүрүлдү.

"Өрттүн кесепетинен 12 даана устун, 12 даана стропила, 40 даана шифер, 4 даана эшик жана 2 даана терезе чыгым болгон. Кырсыктын чоо-жайы такталууда", - дешет маалымат кызматынан.

Автор: Бактыгүл Момбекова
Фото: ӨКМнын басма сөз кызматы