"Жибек Жолу-2012" операциясы 103 чек ара бузуу фактысын ачыкка чыгарды

Бүгүн УКМКнын алдындагы Чек ара аскеринин басма сөз кызматы маалымдагандай, "Жибек Жолу-2012" операциясынын жыйынтыгы чыгарылды. Аталган операция 3-сентябрдан 12-октябрга чейин КМШ өлкөлөрүнүн ичинде өткөрүлгөн. Операциянын башкы милдети мамлекеттин аймагында жана чек арасында мыйзамга туура келбеген иштерди аткарып жаткан кылмыштуу топторду жана уюмдарды таап чыгуу болчу. "Жибек Жолу-2012" операциясынын жыйынтыгында Кыргызстандын аймагында 103 мамлекеттик чек араны бузуу фактысы катталган. Ошондой эле чек аранын режимин бузгандардын саны 39, издөөдө жүргөндөрдүн саны 239 экени анык болгон.

Автор: Айдай Асанбекова