Мэр "Бишкек жашыл чарба" муниципалдык ишканасынын ишмердүүлүгү менен таанышты

Бишкек шаарынын мэри Эмилбек Абдыкадыров "Бишкек жашыл чарба" муниципалдык ишканасынын ишмердүүлүгү менен таанышты. Бул тууралуу мэриянын басма сөз кызматынан билдиришти.

Бишкектин жаңы жетекчиси эмгек жамааты менен баарлашып, ирригация маселесин чечүү жана шаардагы көчөттөрдү көбөйтүү зарылдыгын белгиледи.

Ошондой эле күнөскана чарбасы жана борбордогу күнөсканалардын иши менен таанышты.

Мүмкүнчүлүктөн пайдаланып, мэр ишкананын жамаатын бүгүнкү Ак калпак күнү менен куттуктады.

Автор: Жылдыз Джускембаева