Бүгүн, 22-мартта Максим Горький атындагы сейил багында Орусиянын Украинадагы аракетин колдоо митинги болуп өттү. Аталган митингге жашы жете элек балдардын катышуусу тууралуу мэриянын маалымат кызматы жооп берди.

"Билим берүү башкармалыгынан билдиришкендей, сүрөттөрдө чындап эле мектеп окуучулары. Бирок борбор калаанын мектептеринде 21-марттан 31-мартка чейин жазгы каникул. Балдар бул иш-чарага өздөрү мүчө болгон аскердик-патриоттук клубдун ишинин алкагында тартылган. Балдарды ата-энелери коштоп жүрүшкөн. Жооптуу клубдар жана мектептер Кыргыз Республикасынын Эмгек кодексине ылайык жазага тартылат", - деп жазылат маалыматта.