Уилл Смит "Оскар" сыйлыгын тапшыруу аземинде Крис Рокту чаап жиберди (видео)

Белгилүү актёр Уилл Смит "Оскар" сыйлыгын тапшыруу аземинде Крис Рокту жубайы жөнүндө тамаша кылганы үчүн чаап жиберди. Мындай видео социалдык тармактарга тарады.

Маалыматка ылайык, Рок "Мыкты даректүү тасма" номинациясына талапкерлерди жарыялаган. Анда ал Уилл Смиттин жубайы Жада Пинкетт Смиттин кыска чачы жөнүндө тамашалаган. Тамашадан кийин Смит ордунан туруп келип, Крис Рокту бетке чапкан. Рок түшүнбөгөндөй, таң калган абалда туруп калган.

Уилл Смиттин жубайы акыркы жылдары чачтын түшүшүнө алып келген алопеция дарты менен жабыркап жүргөнү белгилүү болду.