Абдил Сегизбаев УКМКнын абагында май айына чейин калтырылды

УКМКнын мурдагы төрагасы Абдил Сегизбаевдин баш коргоо чарасы каралды. Бул тууралуу SUPER.KG порталына Бишкектин Биринчи Май райондук сотунан билдиришти.

Маалыматка ылайык, Сегизбаевдин баш коргоо чарасы 18-мартта Бишкектин Биринчи Май райондук сотунда каралган. Анын жыйынтыгында сот Абдил Сегизбаевди 20 майга чейин УКМКнын абагында кармоо өкүмүн чыгарган.

Сегизбаев УКМКны 2016-2018-жылдары мурдагы президент Алмазбек Атамбаевдин тушунда жетектеген. Ал "Белизгейт" окуясы боюнча Жазык кодексинин 320-беренесинин (кызмат абалынан кыянат пайдалануу) негизинде быйыл январда кармалган. Камакка алынардын алдында өзүнө карата козголгон иштерди “саясий өч алуу” деп атаган.

Автор: Кенжебай Сатканалиев