Салык кызматы декларацияларды түн ортосуна чейин кабыл ала баштады

Салык кызматы салык декларациясын түн ортосуна чейин кабыл ала баштады. Бул тууралуу Салык кызматынан билдиришти.

Ага ылайык, 28-марттан 31-мартка чейин декларациялар эртең мененки саат 9:00дөн баштап түн ортосуна чейин кабыл алынат.

Декларацияны иш убактыларында тапшырууга жетишпей калган жеке жактар аны 18:00дөн кийин тапшыра алышат.

Белгилей кетсек, мамлекеттик жана муниципалдык кызматкерлер, ошондой эле жеке ишкерлер салык декларациясын электрондук түрдө тапшырышы керек.

Декларацияны төмөнкүлөр тапшырууга милдеттүү:

мамлекеттик жана муниципалдык кызматкерлер;
жеке ишкерлер, анын ичинде патенттик негизде иштегендер;
салык салынуучу кыймылдуу жана кыймылсыз мүлктүн же жер участоктун (короо-жай участогунан башка) ээлери;
юридикалык жакты түзбөй туруп иштеген дыйкан жана фермердик чарбалар.

Эскерте кетсек, 1-апрелде салык декларацияны тапшыруу мөөнөтү аяктайт.

Автор: Айжанар Рыспек кызы
Фото: Интернеттен алынды