Быйыл Корея өлкөсү Кыргыз жарандары үчүн 1 800 жумуш орунга квота бөлдү

Быйыл Түштүк Корея өлкөсү Кыргыз жарандары үчүн 1 800 жумуш орунга квота берди. Бул тууралуу маалымат жыйында Эмгек, социалдык камсыздандыруу жана миграция министрлигинин алдындагы Жарандарды чет өлкөгө жумушка орноштуруу борборунун директору Кубандык Акматбеков билдирди.

"Түштүк Корея өлкөсү менен 2007-жылдан бери келишим менен иштеп келе жатабыз. Келишимге ылайык, биздин жарандар Кореяга барып 4 жыл 10 айга чейин иштеп келгенге мүмкүнчүлүк алат.

15 жылдын ичинде 5 миңден ашуун Кыргыз жарандары Кореяга барып ийгиликтүү иштеп, жаңы технологияларды өздөштүрүп келишти.

Быйыл Түштүк Корея өлкөсү фабрика, заводдордо иштөө үчүн Кыргыз жарандарына 1 800 квота бөлүп берди. Жарандар тандоо туруна катышса болот.

Азыр дагы өзүбүздүн программабызды улантып жатабыз", - деди Акматбеков.

Толук маалыматты шилтемеден алса болот. Тандоо туруна катышуучуларды каттоо акысыз түрдө жүргүзүлөт.

Автор: Айжанар Рыспек кызы
Фото: Интернеттен алынды