Милиция 10 күндөн бери дайынсыз болуп жаткан Болат Садвакасовду издөөгө жардам сурайт

Бишкекте 36 жаштагы Болат Садвакасовду издөөгө милиция кызматкерлери жардам сурайт. Ленин РИИБдин басма сөз кызматынан билдиришкендей, ал 10 күндөн бери дайынсыз болууда.

Маалыматка ылайык, 2-апрелде шаар тургуну милицияга кайрылып, ошол эле күнү саат 16:00 чамасында баласы Болат Садвакасов үйүнөн чыгып кеткен боюнча дайынсыз болуп жатканын айткан.

Изделип жаткан жарандын белгилери: бою 180-185 сантиметр, көздөрү күрөң, мурду кырдач, чачтары кырылган.

Кийип жүргөн кийимдери: боз күрмө, көк майка, кара шым ("BRAND" жазуусу бар).

Өзгөчө белгилери: казак, орус тилдеринде сүйлөйт, мойнунда тумары бар, үйдүн ачкычын кошо тагып жүрөт.

Эгерде сүрөттөгү жаранды көрүп, билгендер болсо кабарлап коюуну милиция кызматкерлери өтүнөт. Байланыш номерлери: 0 (312) 352-605, 0 (312) 444- 457, 0 (312) 352-632, 0 (553) 102-880, 0 (553) 102-465, 0 (703) 401-600, 0 (705) 460-553 же 102.

Автор: Бактыгүл Момбекова
Фото: Ленин РИИБи