Кыргызстандын тышкы соода жүгүртүүсүнүн көлөмү 10 ай ичинде 6 миллиард 26 миллион долларды түздү

Кыргызстанда 2013-жылы 10 ай ичинде тышкы соода жүгүртүүнүн көлөмү 6 миллиард 26 миллион долларды түздү. Бул тууралуу бүгүн, 27-ноябрдагы маалымат жыйынында Мамлекеттик бажы кызматынын алдындагы Бажылык ишти уюштуруу боюнча башкы башкармалыктын башчысы Мирлан Аскар уулу билдирди.

Өткөн жылы 10 айдагы бул көрсөткүч 5 миллиард 544,9 миллион долларды түзгөн.

"Импорттун көлөмү 4 миллиард 760 миллион АКШ доллары болду. Ал эми экспорттун көлөмү 1 миллиард 266 миллион долларга жетти. 2012-жылга салыштырмалуу тышкы соодадагы товар жүгүртүүнүн көлөмү 8,7 пайызга өстү",- деди ал.

Автор: Айпери Ганыжан кызы