Дүйнөлүк банк Кыргызстанга 150 миллион доллар бөлөт

Дүйнөлүк банк Кыргызстанга 150 миллион доллар бөлөт. Бул тууралуу маалымат аталган уюмдун Кыргызстандагы өкүлчүлүгүнүн Фейсбуктагы баракчасына жарыяланды.

Ага ылайык, АКШда жүргөн министрлер кабинетинин төрагасы Акылбек Жапаровдун катышуусунда жаңы финансылык келишимге кол коюлган. Анда 50 миллион доллар Баткен облусун өнүктүрүү боюнча долбоорго бөлүнө турган болгон.

Ошондой эле Суу чарба кызматтары менен климаттын өзгөрүшү үчүн 100 миллион доллар бөлүнөт. Ал келишимге Дүйнөлүк банктын аймактык директору Татьяна Проскурякова менен Кыргызстандын финансы министри Алмаз Бакетаев кол койгон.

Автор: Кенжебай Сатканалиев