Соңку үч айдагы мал уурулуктун чыгымы 25 миллион сомду түздү

Өткөн жумада Айыл чарба министрлигинин жана Ички иштер министрлигинин өкүлдөрүнүн айыл чарба жаныбарларын идентификациялоо жана мал уурдоого бөгөт коюу боюнча жумушчу жыйыны болуп өттү.

Ички иштер министрлигинин маалыматына ылайык, 2022-жылдын үч айында 802 баш мал-жандык уурдалып, анын 437си ээсине кайтарылган. Бул боюнча 318 факты катталган. Жалпы материалдык чыгым 25 миллион 260 миң сомду түзүп, анын 13 миллион 265 миңи өндүрүлгөн.

Расмий маалыматка ылайык, 2021-жылдын тогуз айында эки миң беш жүздөн ашык бодо мал уурдалган. Мал уурулук үчүн түзүлгөн 87 кылмыштуу топтун 187 мүчөсү аныкталган.

Автор: Жолдубек Качкынбаев