Кыргызстанда адам сатууга каршы күрөшүү программасы бекитилди

Кыргызстанда 2022-2025-жылдарга карата адамдарды сатууга каршы күрөшүү боюнча программасын ишке ашыруу боюнча иш-чаралар планы бекитилди. Бул тууралуу министрлер кабинетинен билдиришти.

Белгилүү болгондой, тийиштүү чечимге Акылбек Жапаров кол койгон.

Программанын максаты мамлекеттик органдардын коомдук жана эл аралык уюмдар менен адамдарды сатууга каршы аракеттенүү чараларынын системалуу ыкмасын жана натыйжалуулугун жогорулатуу.

Кабыл алынган программа төмөнкүдөй артыкчылыктарга ээ:

адамдарды сатуунун алдын алууга, бөгөт коюуга, аларга жардам көрсөтүү жана коргоо максатында адамдарды сатуунун курмандыктарын идентификациялоого жана кайра жиберүүгө багытталган адамдарды сатууга каршы аракеттенүү чөйрөсүндөгү мамлекеттик саясаттын негиздерин укуктук регламенттештирүү;
адамдарды сатуунун алдын алуу;
адамдарды сатууга күнөөлүүлөргө бөгөт коюу жана кылмыш куугунтугуна алуу;

Автор: Айжанар Рыспек кызы