Жалал-Абадда милициянын көчмө кабылдамасы 572 жаранды кабыл алды

Жалал-Абадда милициянын көчмө кабылдамасы 572 жаранды кабыл алды. Бул тууралуу облустук милициянын басма сөз кызматынан билдиришти.

Маалыматка ылайык, Жалал-Абадда милициянын көчмө кабылдама унаасы жарандарды кабыл алууда. Анда Базар-Коргон, Ала-Бука, Тогуз-Торо РИИБинин кызматкерлери айылдарды кыдырып, жарандарга юридикалык кеңештерин беришти. Муну менен катар жайлоого мал жандыктары айдалып жаткандыгына байланыштуу мал ууруларынан этият болуу керектигин эскертишти.

Аталган көчмө кабылдама ушул жылдын 4 айында 350 жолу аймактарды кыдырууга чыгып, 572 жаранды кабыл алган.

Автор: Кенжебай Сатканалиев